Laboratoriya
Statistik tahlil va nashrga tayyor natijalar
Maʼlumotlaringizni yuklang, kerakli mezonni tanlang — jadval va rasmlar bir amalda dissertatsiya (OAK) yoki xalqaro jurnal (APA/Scopus) talablariga mos formatda tayyor boʻladi. Hisob-kitob brauzeringizda bajariladi.
Roʻyxatdan oʻtmasdan, bir bosishda birinchi natijani koʻrasiz.
19
tahlil turi
20
NIST sertifikatlangan toʻplam
7.67
toʻgʻri raqam — Filip toʻplamida
Nimasi bilan farq qiladi
Tahlil — vosita, eksport — mahsulot
Jadval — rasm emas, haqiqiy jadval
Word hujjatiga jadval katakchalari bilan tushadi, rasm sifatida emas. Rasm esa vektor va 600 dpi koʻrinishida. Qoʻlda qayta formatlash talab qilinmaydi.
Ikki xil standart, bitta natija
OAK dissertatsiyasi va xalqaro jurnal jadval qoidalari bir-biriga teskari. Eksport oldidan qaysi biri kerakligini oʻzingiz tanlaysiz.
p-qiymat yolgʻiz chiqmaydi
Har bir natija effekt oʻlchami va uning ishonchlilik oraligʻi bilan beriladi. Sharhlovchilar eng koʻp shu kamchilik uchun maqolani qaytaradi.
Maʼlumot brauzerdan chiqmaydi
Hisob-kitob toʻliq sizning kompyuteringizda bajariladi. Tibbiy yoki dissertatsiya maʼlumotlari serverga yuborilmaydi.
Ikki standart
Dissertatsiya jadvali va jurnal jadvali bir xil emas
Haqiqiy OAK avtoreferatlari va APA 7 / Scopus talablarini yonma-yon qoʻyganda qoidalar teskari chiqadi. Shuning uchun «toʻgʻri jadval» degan yagona koʻrinish yoʻq — eksport oldida standart tanlanadi.
1-jadval
Guruhlar boʻyicha oʻrtacha qiymatlar
| Guruh | n | M | SD |
|---|---|---|---|
| Tajriba guruhi | 24 | 4,82 | 0,61 |
| Nazorat guruhi | 24 | 4,15 | 0,73 |
Manba: muallifning tadqiqotlari asosida tayyorlandi.
Table 1
Guruhlar boʻyicha oʻrtacha qiymatlar
| Guruh | n | M | SD |
|---|---|---|---|
| Tajriba guruhi | 24 | 4.82 | 0.61 |
| Nazorat guruhi | 24 | 4.15 | 0.73 |
| Element | OAK (dissertatsiya) | APA 7 / Scopus |
|---|---|---|
| Jadval chiziqlari | Toʻliq toʻr — har katakda | Vertikal chiziq yoʻq, 3 gorizontal |
| Jadval sarlavhasi | «1-jadval» yuqorida, oʻngda | Raqam + kursiv nom yuqorida |
| Rasm izohi | «1-rasm.» pastda, qalin | Pastda (yoki APA — yuqorida) |
| Oʻnli belgi | Vergul — 0,05 | Nuqta — 0.05 |
Mavjud tahlillar
Har bir mezon etalon qiymatlarga qarshi tekshirilgan
Hisob-kitob determinlashgan holda bajariladi. Sunʼiy intellekt raqam hisoblamaydi — u faqat tayyor va tekshirilgan raqamlar atrofidagi matnni yozishi mumkin.
Tavsifiy
Tavsiflovchi statistika
n, oʻrtacha, standart chetlanish, mediana, IQR, asimmetriya va ekssess, oʻrtachaning 95% ishonchlilik oraligʻi.
Chastotalar taqsimoti
Absolyut son, foiz, haqiqiy foiz va toʻplanuvchi foiz.
Shapiro-Uilk mezoni
Q-Q rasm va gistogramma bilan. Faqat tavsiflovchi — tahlilni oʻzgartirmaydi.
Parametrik
Styudent mezoni (bogʻliq boʻlmagan tanlanmalar)
Odatiy holda Welch varianti, kasr erkinlik darajasi; Hedges g va 95% ishonchlilik oraligʻi.
Styudent mezoni (bogʻliq tanlanmalar)
t, erkinlik darajasi, p; farq oʻrtachasining ishonchlilik oraligʻi va Hedges g.
Bir faktorli dispersion tahlil
F, erkinlik darajalari, p; η²ₚ va 90% ishonchlilik oraligʻi; Tukey yoki Games-Howell taqqoslashlari.
Koʻp faktorli dispersion tahlil
Asosiy taʼsirlar va oʻzaro taʼsir; F, erkinlik darajalari, p; η²ₚ va 90% ishonchlilik oraligʻi.
Kovariatsion tahlil (ANCOVA)
Kovariat boʻyicha tuzatilgan oʻrtachalar; F, erkinlik darajalari, p; η²ₚ va 90% ishonchlilik oraligʻi.
Takroriy oʻlchovlar dispersion tahlili
Mauchly sferiklik mezoni, ε̂ va Greenhouse-Geisser yoki Huynh-Feldt tuzatishi; kasr erkinlik darajalari.
Noparametrik
Mann-Uitni U mezoni
U, Z, p; rang-bisserial korrelyatsiya; mediana va IQR ikki chegarasi bilan.
Uilkokson mezoni
Bogʻliq tanlanmalar uchun rangga asoslangan muqobil: T, Z, p va effekt oʻlchami.
Kruskal-Uollis mezoni
H, erkinlik darajasi, p; ε² effekt oʻlchami; Dunn taqqoslashlari.
Korrelyatsiya tahlili
Pirson, Spirmen yoki Kendall τ_b; ishonchlilik oraligʻi har doim — statistik ahamiyatdan qatʼi nazar.
Fridman mezoni
Takroriy oʻlchovlar uchun noparametrik mezon; χ², erkinlik darajalari, p va Kendall W.
Korrelyatsiya matritsasi
Bir nechta oʻzgaruvchi uchun juft korrelyatsiyalar; har bir katak uchun n va ishonchlilik oraligʻi.
Kategorial
K.Pirsonning χ² mezoni
2×2 va r×c jadvallar; φ yoki Kramer V; kutilgan chastotalar koʻrinadi.
Regressiya
Chiziqli regressiya
Har bir prediktor uchun B, standart xato, β, t, p va ishonchlilik oraligʻi; R², F, VIF va shartlilik soni.
Logistik regressiya
Har bir prediktor uchun B, standart xato, Wald, p; OR va 95% ishonchlilik oraligʻi; model χ² va psevdo-R².
Ishonchlilik
Ishonchlilik tahlili
Kronbax α va McDonald ω, ishonchlilik oraligʻi bilan; hech qanday «qabul qilinadi» chegarasi qoʻyilmaydi.
Aniqlik
Dissertatsiyaga kiritiladigan raqamga ishonish uchun asos
Filip toʻplami — 82 kuzatuv boʻyicha 10-darajali koʻphad, shartlilik soni 1,78·10¹⁵. Bir qancha tijorat paketlari unda tarixan bitta ham toʻgʻri raqam qaytarmagan. Biz normal tenglamalar emas, QR yoyilishidan foydalanamiz va har bir toʻplamdagi natijani oshkora eʼlon qilamiz.
Aniqlik hisobotini koʻrish- Toʻplam
- Filip
- κ
- 1.78·10¹⁵
- Koef.
- 7.67
- Chegara
- 7
Savollar
Koʻp beriladigan savollar
Bu SPSS yoki JASP oʻrnini bosadimi?
Shu vazifalar boʻyicha — ha. Tahlillar effekt oʻlchamlari va ishonchlilik oraliqlari bilan hisoblanadi, natija esa toʻgʻridan-toʻgʻri jurnal talablariga mos jadval va rasm sifatida chiqadi. Faktor tahlili, yashovchanlik tahlili va panel ekonometrikasi hozircha yoʻq.
OAK statistik tahlilni talab qiladimi?
Qonunchilikda bunday alohida talab yoʻq. Lekin 2020-yil 1-yanvardan impakt-faktor va Hirsh indeksi boʻyicha talablar kuchga kirgach, OAK roʻyxatidagi va xalqaro jurnallar amalda statistik asos kutadi — natijalar boʻlimi dissertatsiyaning 50-60 foizini tashkil qiladi.
Maʼlumotlarim qayerda saqlanadi?
Hisob-kitob brauzeringizda bajariladi, fayl serverga yuklanmaydi. Sahifani yopganingizda maʼlumotlar qurilmangizda qoladi.
Natijaning aniqligiga qanday ishonaman?
NIST StRD sertifikatlangan maʼlumot toʻplamlaridagi natijalarimiz va etalon kutubxonalar versiyalari oshkora eʼlon qilingan. Har bir tahlil R va SciPy qiymatlariga qarshi tekshiriladi.
Qanday fayllarni yuklash mumkin?
CSV, TSV va Excel (.xlsx). SPSS (.sav) va Stata (.dta) hozircha qoʻllab-quvvatlanmaydi — bu programmalardan CSV koʻrinishida eksport qilib yuklang.
Tahlil natijasini sunʼiy intellekt yozadimi?
Yoʻq. Barcha raqamlar determinlashgan algoritmlar bilan hisoblanadi. Matn faqat allaqachon hisoblangan va tekshirilgan raqamlar atrofida shakllanadi va hech qachon sabab-natija xulosasi chiqarmaydi.
Namuna maʼlumotlar bilan boshlang
Fayl tayyorlash shart emas — namuna toʻplamni ochib, birinchi natijani va uning eksport koʻrinishini darhol koʻrasiz.
Tahlilni boshlash