Alifbo islohoti
Yangi alifbo konvertori
Matnni yoki .docx faylni eski alifbodan yangisiga — yoki aksincha — oʻgiring. Hujjatning formati, jadvallari va izohlari saqlanadi.
- Bepul
- Brauzeringizda ishlaydi, matn serverga yuborilmaydi
- Word hujjati formatini buzmaydi
0 belgi
Nima oʻzgaradi
Toʻrtta harf oʻzgaradi, qolgan yigirma toʻrttasi oʻz holicha qoladi. Alifbo 26 ta harf va 3 ta harf birikmasi oʻrniga 28 ta harf va bitta tutuq belgisidan iborat boʻladi.
| Eski (1995) | Yangi (2026) |
|---|---|
| Sh shshahar | Ş şşahar |
| Ch chchiroq | Ç ççiroq |
| Oʻ oʻkoʻcha | Ö ököça |
| Gʻ gʻtogʻ | Ğ ğtoğ |
«ng» birikmasi
«ng» alifbodan alohida harf sifatida chiqariladi, lekin yozuvda «n» va «g» tarzida oʻzgarishsiz yoziladi — konvertor uni tegmay qoldiradi.
«sh» — ikki xil oʻqiladi
«isʼhoq», «asʼhob» kabi soʻzlarda «s» va «h» alohida harflar. Konvertor ularni ajratib qoldiradi va oʻzgarishni belgilab koʻrsatadi.
Koʻp beriladigan savollar
Eski hujjatlarim kuchini yoʻqotadimi?
Yoʻq. Qonunga koʻra, yangi normalar kuchga kirgunga qadar amaldagi alifboda rasmiylashtirilgan hujjatlar, milliy valyuta va qimmatli qogʻozlar muomalada qoladi. Diplom, pasport yoki shartnomani almashtirish talab qilinmaydi.
Ilmiy ishimni qaysi alifboda topshiraman?
Hozircha muassasangiz yoki jurnal tahririyati talabiga koʻra. Yangi imlo qoidalari hali eʼlon qilinmagan, shuning uchun koʻpchilik OAK jurnallari va universitetlar amaldagi alifboni soʻrashda davom etmoqda. Topshirishdan oldin aniqlashtiring.
Qaysi harflar oʻzgaradi?
Toʻrttasi: Sh→Ş, Ch→Ç, Oʻ→Ö, Gʻ→Ğ. Qolgan yigirma toʻrt harf shakli ham, oʻqilishi ham oʻzgarmaydi.
«ng» ham oʻzgaradimi?
«ng» alifbodan alohida harf birikmasi sifatida chiqariladi, lekin yozuvda oldingidek «n» va «g» harflari bilan yoziladi: «tong», «keng». Yozuvda hech narsa oʻzgarmaydi, shuning uchun konvertor unga tegmaydi.
Har qanday «sh» «ş» boʻladimi?
Yoʻq. «Isʼhoq», «asʼhob» kabi arabcha oʻzlashmalarda «s» va «h» alohida harflar — ular «ş» ga aylanmaydi. Konvertor bunday soʻzlarni tanib oladi va qabul qilgan qarorini belgilab koʻrsatadi.
Yangi harflarni klaviaturada qanday yozaman?
Ş, Ç, Ö va Ğ uchun alohida oʻzbek klaviaturasi hali chiqarilmagan. Eng ishonchli yoʻl — turk (Q) klaviaturasini qoʻshish: toʻrtala harf ham unda bor. Har bir qurilma uchun bosqichma-bosqich koʻrsatma alohida sahifada.
Matnim serverga yuboriladimi?
Yoʻq. Oʻgirish butunlay brauzeringizda bajariladi — matn ham, fayl ham hech qayerga yuborilmaydi va serverda saqlanmaydi.
Word hujjatining formati saqlanadimi?
Ha. .docx faylini yuklasangiz, jadvallar, izohlar, sarlavhalar va uslublar oʻz joyida qoladi — faqat harflar almashadi.